ئه‌مریکا ١٠هه‌زار کۆچەری خەڵکی سووریا وه‌ردەگرێت
ئاژانسەکان-KDP.info- حکوومه‌تی ئه‌مریکا ڕایگه‌یاند که داڵدەی دەهه‌زار کۆچەری سووریایی دەدات؛ کۆنگرێسی ئەو وڵاتەش دەترسێ ئەو ئاوارانە ببنە بەڵای گیان.
(جۆش ئێرنست) وته‌بێژی کۆشکەسپی دەڵێ سه‌رۆکی ئه‌مریکای دڵی خۆشە ئەو کارە سه‌ری گرتووە و ته‌نانه‌ت یه‌ک مانگ به‌ر له واده‌ی خۆی جێبه‌جێ کراوه.
ئەگەر دیموکراتەکان سەر کەون، حکومه‌تی ئه‌مریکا به نیازه ئەم ساڵەکەی تریش کۆمەڵە کۆچەرێکی خەڵکی سووریا وه‌ربگرێت؛ کۆنگریسی ئه‌مریکا له ئاکامه‌کانی پرۆسه‌که بۆ سه‌ر ئاسایش نیگه‌رانه، به‌ڵام کۆشکەسپی ده‌ڵێت، هه‌موو کارێکی پێویست له‌م ڕووه‌وه کراوه.
