داعش خانووی مەسیحییەكانی مووسڵ دەتەقێنێتەوە
مووسڵ-KDP.info- تیرۆریستانی داعش دەستیان بە تەقاندنەوەی خانووی مەسیحییەكانی شاری مووسڵ كرد و، شەوی رابردوویش هەشت خانوو تەقێندرانەوە.
(عیسمەت رەجەب)، بەرپرسی لقی چواردەی پارتی، بە ماڵپەڕی فەرمیی پارتی دیموكراتی كوردستانی راگەیاند: "شەوی رابردوو تیرۆریستانی داعش لەنێو سەنتەری شاری مووسڵ و لای چەپی شارەكە، هەشت خانوویان تەقاندوونەتەوە و بەوهۆیەوە خانووەكان بە تەواوی داڕماون".
(ڕەجەب) گوتیشی، ئەو خانووانە هیی خوشك و برایانی مەسیحی بووە لە شارەكە و پێش تەقاندنەوەیان، داعش گشت كەلوپەلی نێو خانووەكانی بە تاڵان بردووە.
قائید میرۆ
