فڕۆکەکانی تورکیا خواکوڕکیان بۆردوومان کرد
هەولێر-KDP.info- لەژێر ناوی بەرەنگاربوونەوەی تیرۆر هێزە چەکدارییەکانی سوپای تورکیا، شەوی رابردوو ئاسمانەهێرشێکیان بۆ سەر ناوچەی خواکوڕک لە باکووری هەرێمی کوردستان ئەنجام دا و بەهۆیەوە ٢٠ چەکداری پەکەکە کوژران .
بەگوێرەی زانیاریی ئاژانسی ئانادۆڵوی تورکیا کە لە سەرچاوەی ئەمنییەوە وەرگیراون، هەواڵگریی تورکیا٢٠ حەشارگە و جبەخانەی پەکەکە لە ناوچەی خواکوڕکی باکووری هەرێمی کوردستان دەستنیشان کرد.
بەمەبەستی وێرانکردنی حەشارگە و جبەخانەکانیش سەعات ٦:٢٢ بۆ ٦:٤٣ خولەکی شەوی رابردوو ئۆپەراسیۆنێکی ئاسمانی ئەنجام درا و بەهۆیەوەش وێڕای لەناوچوونی ئامانجەکان، ٢٠ چەکداری پەکەکە کوژران.
