کارتەر لە بەغدایە و لەگەڵ فەرماندە سەربازی و عەبادییشدا کۆ دەبێتەوە

هەولێر-KDP.info-  بێئەوەی ڕایبگەیەنێ، وەزیری بەرگریی ئەمەریکا(ئاشتوون کارتەر) گەیشتە بەغدا و، وەهایش بڕیارە لەگەڵ فەرماندە سەربازییەکانی وڵاتەکەی و بەرپرسانی عێراقیدا کۆ ببێتەوە.

 

(ئاشتوون کارتەر) کە ئەمڕۆ دووشەممە گەیشتووەتە بەغدا، بەرپرسانی عێراقی لەبارەیەوە دەڵێن، ڕەنگبێ لەم سەردانەدا بەکاربردنی فڕگەی گەیارە بۆ مەبەستی سەربازی و کەڵک لێوەرگرتنی بۆ هەڵمەتی ڕزگارکردنەوەی مووسڵ، لەگەڵ فەرماندە ئەمەریکایی و بەرپرسانی عێراقدا بخاتە بەر باسەوە.

وەزیری بەرگریی ئەمەریکا لەم سەردانەیدا لەگەڵ، سەرۆکوەزیرانی عێراق(حەیدەر عەبادی) و (خالد عوبەیدی)ـدا، هەروەها جەنەڕاڵ(شون ماکفارلاند) فەرماندەی هێزەکانی هاوپەیمانیی نێودەوڵەتیدا کۆ ببێتەوە.

شەممەی ڕابرد، هێزەکانی سوپای ڕایانگەیاند، فڕگەی گەیارە-٦٠کمی باشووری مووسڵ-یان کۆنترۆڵ کردووەتەوە، کە پێشتر داعش دەستی بەسەردا گرتبوو.