"دوای جەژن متمانە لەوەزیر و بەرپرسە ئەمنییەکان وەردەگیرێتەوە"

بەغدا-KDP.info- بڕیارە دوای جەژنی ڕەمەزان پەرلەمان لە یەکەم دانیشتن بانگھێشتی وەزیر و بەرپرسە ئەمنییەکان بکات و متمانەیان لێ وەرگرێتەوە.

 

بڕیاردەری لیژنەی ئاسایش‌وبەرگری لە ئەنجومەنی نوێنەرانی عێراق (شاخەوان عەبدوڵا) بە ماڵپەڕی فەرمیی پارتیی دیموکراتی کوردستانی ڕاگەیاند: "لەبەر ئەوەی وەزیر و بەرپرسە ئەمنییەکان کاری خۆیانیان جوان پێ بەڕێوە ناچێ، بڕیارە دوای جەژنی ڕەمەزان لە یەکەم دانیشتنی پەرلەماندا بانگھێشتی پەرلەمان بکرێن و متمانەیان لێ وەردەگیرێتەوە."

 

(شاخەوان عەبدوڵا) گوتیشی، ئەم جارە ڕێگە نادەین سەرۆکوەزیران بە ئارەزووی خۆی بەرپرسی ئەمنی دیاری بکات؛ پێویستە لە پەرلەماندا دەنگی لەسەر بدرێت و متمانەی پێ بدرێت.

 

بە پێی دوا ئامارەکان ژمارەی قوربانیانی تەقینەوەکەی بەرەبەیانی دوێنێ یەکشەممە، لە ناوچەی کەڕادەی شاری بەغدا گەیشتە دووسەد کوشتی و دووسەد بریندار.

بڵند ئیبراھیم