فراكسیۆنە كوردییەكان كۆ دەبنەوە.. پێشنیازی خۆیان دەخەنە بەردەم مەكتەب سیاسییەكانیان
هەولێر-KDP.info- ئەندامێكی كورد لە ئەنجوومەنی نوێنەرانی عیراق رایدەگەیێنێت، ئەمڕۆ چوارشەممە بڕیارە سەرۆكی فراكسیۆنەكان كۆبوونەوەیەك ئەنجام بدەن و ڕای خۆیان بخەنە بەردەم مەكتەب سیاسییەكانیان.
(د. سیروان سیرینی)، بە ماڵپەری فەرمیی پارتی دیموكراتی كوردستانـی راگەیاند: "ئەمڕۆ چوارشەممە بڕیارە سەرۆكی فراكسیۆنە كوردستانییەكان كۆ ببنەوە، تا پێشنیاز و ڕای خۆیان ئامادە بكەن و بیخەنە بەردەم مەكتەبی سیاسیی حیزبەكانەوە".
ئەو ئەندامەی ئەنجوومەنی نوێنەرانی عێراق گوتیشی: "پێم باشە تەواوی پەرلەمانتارانی فراكسیۆنەكانی كورد لە بەغدا لەو كۆبوونەوانەیەدا بەشدار بن، تا ڕای هەموویان بێتە وەرگرتن و تاوتووی پێشنیازی هەموویان بكرێت و ئەو كات بڕیار بدرێت نەك تەنیا سەرۆكی فراكسیۆنەكان".
نەشوان بەرزنجی
