سعودیا سندوقێکی بۆ ئاوەدانکردنەوەی ناوچە سوننی و کوردییەکان دامەزراند

ئاژانسەکان-KDP.info-  سه‌رچاوه‌یه‌كی سیاسیی ئاگادار، بابه‌تی دامه‌زراندنی سندوقی سعودیا-كه‌نداو بۆ دووباره‌ نۆژه‌نكردنه‌وه‌ی پارێزگا سوننە و كوردییه‌كانی ئاشكرا كرد.

 

 کەناڵی ئافاق لە سه‌رچاوه‌یه‌كی ئاگاداری گواستەوە کە سامر السبهان، باڵیۆزی سعودیا‌ له‌ به‌غدا به‌دواداچوون و سه‌رپه‌رشتیی سندوقی كه‌نداو بۆ نۆژه‌نكردنه‌وه‌ی پارێزگا سوننه‌ و كوردییه‌كان ده‌كات‌.

سه‌رچاوه‌كه‌ له‌ لێدوانێكی ڕۆژنامه‌وانیدا گوتی: محمد بن سه‌لمان سندوقی سعودیا-كه‌نداو بۆ ئاوەدانکردنەوەی پارێزگای ئه‌نبار و هه‌روه‌ها پارێزگا سوننە‌ و كوردییه‌كان دامه‌زراندوه‌ و ئه‌وانه‌ی ئه‌م پارێزگایانه‌ نۆژه‌ن ده‌كه‌نه‌وه‌ كۆمپانیاكانی سعودیا و‌ كه‌نداون.

 

 سه‌رچاوه‌كه‌ ئاماژه‌ی به‌وەش‌ كرد كه‌ السبهان به‌ هاوكاری له‌گه‌ڵ كه‌سایه‌تییه‌كانی پارێزگاری ئه‌نبار به‌دواداچوون و سه‌رپه‌رشتیی نۆژه‌نكردنه‌وه‌ی پارێزگاكه‌ ده‌كه‌ن.