ئێران پەردە لەسەر ١٢ پڕۆژەی ئەتۆمیی نوێ لادەدات

 ئەسغەر زارعان یاریدەدەری سەرۆکی ڕێکخراوی وزەی ئەتۆمیی ئێران ئاشکرای کرد، سبەی پێنجشەمە پەردە لەسەر ١٢ پڕۆژەی ئەتۆمیی نوێ لادەدرێت،کە دەستکەوتن و لە نێویاندا ئامێری سەنتەرفیوجی پێشکەتووی تێدایە.

لە لێدوانێکدا لە ڕێورەسمی واژۆکردنی ڕێککەوتننامەی لێکتێگەیشتن و ھاوکاریی ڕێکخراوی ئەتۆمی، وتی "ئەو دەستکەوتانە پڕۆژەی ئەتۆمین و پەیوەندیدارن  بەکەرتی تەندروستی و ناوەندی لێکۆڵینەوەکانی پیشەسازی نەوت و کارگە ئەتۆمییەکان و چەند بەشێکی دیکە". بە وتەی زارعان، ڕێوڕەسمی کردنەوەی ئەو پڕۆژە ئەتۆمییانە هاوکات دەبێت لەگەڵ ڕۆژی نیشتمانیی تەکنۆلۆژیا، هەربۆیە لەو ڕۆژەدا دەستکەوتەکان بە گرنگییەوە ڕادەگەیەنرێت.