لە كه‌ركووكدا تیرۆریستێكی داعش گیرا و دووانیشیان لێ دادگایی كرا
كه‌ركووك -KDP.info- پۆلیسی قه‌زا و ناحییه‌كانی كه‌ركووك ئه‌مڕۆ تیرۆریستێكی داعشیان گرتووە و، دووانیشیان داوەتە دادگا.
عه‌مید (سه‌رحه‌د قادر) به‌ڕێوەبه‌ری پۆلیسی قه‌زا و ناحیه‌كانی كه‌ركووك، بە ماڵپه‌ڕی فه‌رمیی پارتیی دیموكراتی كوردستانی ڕاگەیاند: "هێزه‌كانی پۆلیسی قه‌زا و ناحیه‌كانی كه‌ركووك ئه‌مڕۆ دووشه‌ممه له ناو شاری كه‌ركووكدا تیرۆرستێكی داعش ده‌ستگیر بكه‌ین كه پێشتر له سنووری قه‌زای مه‌خموور و قه‌راج له شه‌ڕه‌كان دوو برای كوژراوه و، هاتووەته سنووری كه‌ركووك و زانیاریمان له سه‌ری هه‌بوو."
عه‌مید (سه‌رحه‌د) گوتیشی: "ئەو دوو تیرۆریستەیش وا چوار مانگ لەمەوبەر ده‌ستگیرمان كردبوون، ئه‌مڕۆ له دادگای كه‌ركووكدا دادگایی كران و، تا هەتایە زیندانیان بۆ بڕایەوە."
نەشوان بەرزنجی
