ژووری بازرگانیی ھەولێر ئەرکی چارەسەرکردنی پێشمەرگە بریندارەکان لەئەستۆ دەگرێ

هەولێر-KDP.info-  سەرچاوەیەک لە ژووری بازرگانیی ھەولێر ئاشکرای کرد ئەوان ئەرکی چارەسەرکردنی  پێشمەرگە بریندارەکان لەئەستۆ دەگرن.

 

عەبدولواحید تەھا بەڕێوبەری ڕاگەیاندنی ژووری بازرگانی و پیشەسازیی ھەولێر بە ناوەندی هەواڵی ئازادی ڕاگەیاند " ژووری بازرگانیی ھەولێر ئەرکی چارەسەرکردنی پێشمەرگە بریندارەکان دەگرێتە ئەستۆ  و بۆ ئەو مەبەستە لیژنەیەکی پێکهێناوە بۆ بەڕێوەبردنی ئەو بەرنامەیە و ھەڵسەنگاندنی تێچووی چارەسەری باری تەندروستی پێشمەرگە قارەمانەکان کە لە مەیدانی شەڕدا دژی داعش بریندار بوون و ئەندامێکی جەستەیان لەدەست داوە."

 

سەرچاوەکەی ژووری بازرگانیی ھەولێر وتیشی "تا ئێستا لیژنەکە سەردانی نەخۆشخانەی نەورۆزی کردووە و ڕێککەوتنیشی لەگەڵ نەخۆشخانەی تایبەتی ئەمریکی کردووە و لە کارەکانی بەردەوام دەبێت.