حەشدی‌شەعبی کوردێکی دیکەی ڕفاند
حەشدی‌شەعبی کوردێکی دیکەی ڕفاندخورماتوو-KDP.info- دوای ئەوەی دوێنێ چەکدارانی حەشدی‌شەعبی کوردێکیان لە قەزای دوزخورماتوو گوللەباران کرد، ئەمڕۆ کوردێکی دیکەیان ڕفاند و ئەشکەنجەیەکی زۆریشیان داوە.
بەڕێوەبەری ئاسایشی دوزخورماتوو ڕائید (فارووق ئەحمەد) بە ماڵپەڕی فەرمیی پارتیی دیموکراتی کوردستانی ڕاگەیاند: "دیارە دوێنێ کوردێکی خەڵکی کەلار بە جلی کوردییەوە لە خورماتوو گوللەباران کرابوو، ئەمڕۆیش کوردێکی دیکە ڕفێندراوە و ئەشکەنجەیەکی زۆر دراوە و، دوایی ئازاد کراوە."
(فارووق ئەحمەد) گوتیشی، گەر بەم شێوەیە کوشتن و ڕفاندن بەردەوام بێت دۆخەکە خراپتریش دەبێت.
بەپێی زانیارییەکانیش ئەو کەسە لەلایەن حەشدی‌شەعبی ڕفێندراوە و ئەوەندە برینی سەختە، ڕەوانەی نەخۆشخانەی کەرکووک کراوە.
بڵند ئیبراھیم
