١١ داعش لە میحوەری ناوەراندا کوژران
میحوەری ناوەران-KDP.info- فڕۆكه جه‌نگییه‌كانى هاوپه‌یمانان و هێزه‌كانى پێشمه‌رگه دوو كاروان و مۆڵگه‌یه‌كى تیرۆریستانى داعشیان له گوندى خورسیباد و فازڵیه‌دا كرده ئامانج و له ئه‌نجامدا 11 تیرۆریست كوژران.
سه‌ربه‌ست تروانشى به‌رپرسى میحوه‌رى ناوه‌ران ڕایگه‌یاند: "ئەم دوانیوه‌ڕۆیە فڕۆكه جه‌نگییه‌كانى هاوپه‌یمانان 2 كاروانە چه‌كداری ڕێكخراوە تیرۆریستییەکەی داعشیان له خوارووى گوندى خورسیباد كرده ئامانج و، له ئه‌نجامدا 8 تیرۆریست كوژران و تونێلێكیشیان لێ خاپوور كرا. ئه‌مڕۆ هێزه‌كانى پێشمه‌رگه به چه‌كى قورس مۆڵگه داعشێکیان له گوندى فازڵیه‌دا تۆپباران کرد و 3 تیرۆریستیان كوشت."
