مووچەی خانەوادەی شەهیدان و ئەنفالكراوان دابەش دەكرێت
هەولێر-KDP.info- وەزارەتی دارایی و ئابووری ڕایدەگەیێنێت، دووسبەی چوارشەممە، مووچەی خانەوادەی شەهیدان و ئەنفالكراوان دابەش دەكرێت.
وەزارەتی دارایی و ئابووریی حكوومەتی هەرێمی كوردستان، لە ڕاگەیەندراوێكدا كە وێنەیەكی بۆ ماڵپەری فەرمیی پارتی دیموكراتی كوردستان ناردووە، ڕایگەیاندووە كە ڕۆژی چوارشەممە 24/2/2016، مووچەی خانەوادەی شەهیدان و ئەنفالكراوان دابەش دەكرێت.
وەزارەتی دارایی و ئابووری، ئەوەیشی خستووەتە روو: "داواكارین بە زووترین كات لیستی مووچەكانیان ڕەوانەی گەنجینەكان بكرێت، بۆ مەبەستی وردبینیكردن و خەرجكردنی".
ئومێد بابان
