وەزارەتی دارایی بەبێ ریزبەندی، مووچەی دابەش کرد
هەولێر-KDP.info- وەزارەتی دارایی حکوومەتی هەرێمی کوردستان، ئەمڕۆ بەبێ ئەوەی رەچاوی ریزبەندی وەزارەتەکان بکات دەستی کرد بە دابەشکردنی مووچە.
وەزارەتی دارایی حکوومەتی هەرێمی کوردستان، ئەمڕۆ مووچەی ژمارەیەک فەرمانگە و بەڕێوەبەرایەتییان دابەشکردووە و رەچاوی ریزبەندی وەزارەتەکانیان نەکردووە.
هەر وەزارەتێک لیستەکەی ئامادەبووبێ و گەنجینە وردبینی بۆ کردبێ، یەکڕاست مووچەکانیان وەرگرتووە و لەرۆژانی دابێیش بەگوێرەی لیستی وردبینی کراو لەلایەن گەنجینە وەزارەتەکان مووچەکانیان وەردەگرن.
