پێشمەرگە گورزێکی کوشندەى لەداعش وەشاندووە
باشیک-KDP.info- (حەمید ئەفەندی) بەرپرسی میحوەری باشیک رایگه‌یاند، تیرۆرستانی داعش خۆیان لەسەنگەرەکانی ھێزی پێشمەرگەى كوردستان له میحوەری باشیک نزیک کردەوە، بەڵام پێشمه‌رگه‌كان بەتووندی روبەڕوویان بوونەوە و گورزێکی کوشندەشیان لێوەشاندن و ژمارەیەکی زۆریشیان لێ کوشتن.
(حەمید ئەفەندی) بە ماڵپەری فەرمیی پارتیی دیموکراتی کوردستانی راگەیاند: تیرۆرستانی داعش لەمیحوەری باشیک خۆیان لەسەنگەرەکانی ھێزی پێشمەرگە نزیککردەوە و بەنیازبوون ھێرش بکەن، بەڵام ھێزی پێشمەرگە بەھاوکاری فرۆکە جەنگیەکانی ھاوپەیمانان روبەڕوویان بوونەوە و پیلانەکەیان پوچەڵ کردەوە و گورزێکی کوشندەیان لێوەشاندن.
(ئەفەندی) گوتیشی: لەئه‌نجامى بۆردوومانی فرۆکە جەنگیەکانی ھاوپەیمانان و هاتنه‌ده‌ستى ھێزی پێشمەرگە لێیان ژمارەیەکی زۆریان کوژراون و برینداربوون.
بڵند ئیبراھیم
