وێستگەیەکی گه‌وره‌ی کارەبا کەوتەوە کار
دهۆك-KDP.info- سەرچاوەهەواڵێکی وەزارەتی کارەبا ئاشکرای كرد، دوای لە کارکەوتنی بۆ ماوەیەک وێستگەیەکی غازی لە دهۆک کەوتەوە کار و 200 مێگاوات کارەبای نشتمانی زیاد دەبێت.
سەرچاوەیەک لە بەڕێوەبەرایەتیی گشتیی بەرهەمهێنانی وەزارەتی کارەبای حکوومەتی هەرێمی کوردستانەوە، بە ماڵپەڕی فەرمیی پارتیی دیموکراتی کوردستانی ڕاگەیاند: "ئەو وێستگەکارەبایەی لەبەر بێ‌غازی لەکار کەوتبوو، وا غازی بۆ دابین کرا و کەوتەوە کار."
سەرچاوەکەی بەرهەمهێنانی وەزارەتی کارەبا ئاشکرایشی کرد بەم هۆیەوە 200 مێگاوات کارەبا زیاد دەبێت و چەند سەعاتێکیش کارەبای نشتیمانی زیاد دەکرێت.
لەبەر ئەو هەموو ئاوارەیە و سەرمای زستان خواست لەسەر کارەبا لە هەرێمی کوردستان زۆر زیادی کردووە.
یەحیا سابیر
