"شه‌وی سه‌ری ساڵ به‌ ئارامی و به‌بێ ده‌نگی به‌ڕێ كرا"

به‌رپرسی راگه‌یاندنی پۆلیسی هه‌ولێر ده‌ڵێ، شه‌وی سه‌ری ساڵ هیچ رووداوێك له‌ هه‌ولێر رووی نه‌داوه‌.

بەرپرسی راگەیاندنی پۆلیسی ھەولێر نەقیب (ھۆگر عەزیز) بە ماڵپەڕی فەرمیی پارتیی دیموکراتی کوردستانی راگەیاند: پۆلیسی ھەولێر پلانی بۆ شەوی سەری ساڵی تازەی زاینی دانابوو، خۆشبەختانە پلانەکە وەک خۆی جێ بەجێ کرا و ھیچ روداوێکی نەخوازراو روینەداوە و تەنھا لە شه‌قامی٦٠مەتری روداوێکی ھاتووچۆی ھەبووە و، ئەوەیش ھیچ کەسێک زامداریش نەبووە و ھیچ کەسێکیش داوای تۆمار نەکردووە و لەنێوان خۆیاندا پێکھاتوونە.
نەقیب(ھۆگر عەزیز) گوتیشی، ئەمساڵ حکوومەتی ھەرێمی کوردستان ھیچ مەراسیمێکی تایبەتی بە بۆنەی سەری ساڵ سازنەکرد و کەش وھەواش رێگر بووە لەوەی خەڵک زۆر بێنە دەرەوە و تەنھا لەھەندێک شوێنی تایبەت ھەندێک ئاھەنگ سازکراوە، شەوی سەری ساڵی تازە بە ئارامی و بێ دەنگ بەڕێ کرا.
بڵند ئیبراھیم