سەرۆكایەتیی پەرلەمان و سەرۆكی فڕاكسیۆنەكان كۆ دەبنەوە
هەولێر-KDP.info- گوتەبێژی فڕاكسیۆنی پارتیی دیموكراتی كوردستان ڕایدەگەیێنێت، ئه‌مرۆ كۆبوونەوەی نێوان سەرۆكایەتیی پەرلەمان و سەرۆكی فڕاكسیۆنەكان لەبارەی چاكسازییەكانی حكوومەت و رۆڵی پەرلەمان لەم چاكسازییەدا، ئەنجام دەدرێت.
(د. محەممەد عەلی یاسین)، بۆ ماڵپەڕی فەرمیی پارتیی دیموكراتی كوردستان گوتی: "وەكو فڕاكسیۆنی پارتی، ئاگادار كراوینەتەوە كە ئه‌مرۆ سەعات 10ـی پێشنیوەڕۆ كۆبوونەوەی دەستەی سەرۆكایەتیی پەرلەمان و سەرۆكی فڕاكسیۆنەكان و لیژنەكانی دارایی و یاسایی و كاروباری پەرلەمان ساز دەكرێت".
(د. محەممەد) گوتیشی، ئامانج لە كۆبوونەوەكە، تاوتووكردنی پرسی چاكسازی و رۆڵی پەرلەمانە لەو چاكسازییەدا.
نەشوان بەرزنجی
