سەرۆك بارزانی و سەرۆكوەزیرانی عێراق دواپێشهاتی سیاسییان تاوتوو كرد

هه‌ولێر-KDP.info-  لە پەیوەندییەكی تەلەفۆنیدا (سەرۆك بارزانی) و سەرۆكوەزیرانی عێراق دواپێشهاتی سیاسییان تاوتوو كرد و  باسی سەردانە چاوەڕواننه‌كراوەكەی (سەرۆك بارزانی) بۆ توركیا و ئەجێندای ئەو سەردانە كرا بە تایبەت بابەتی هاتنی سوپای توركیا بۆ نزیك شاری مووسڵ و ئەوەیش دووپات كرایەوە كە پێویستە ئەم بابەتە لە ڕێگەی دیالۆگەوە چارە بكرێت.

ڕۆژی سێشەممە 8ـی 12ـی 2015 لە پەیوەندییەكی تەلەفۆنیدا (مەسعوود بارزانی) سەرۆكی هەرێمی كوردستان و (حەیدەر عەبادی) سەرۆكوەزیرانی عێراقی فیدڕاڵ دوا پێشهاتە سیاسییەكانیان تاوتوێ كرد.

هەر لەم پەیوەندییە تەلەفۆنییەدا جەخت لە پاراستنی سیادەی عێراق كرایەوە و باسی سەردانە چاوەڕواننه‌كراوەكەی (سەرۆك بارزانی) بۆ توركیا و ئەجێندای ئەو سەردانە كرا بە تایبەت بابەتی هاتنی سوپای توركیا بۆ نزیك شاری مووسڵ و ئەوەیش دووپات كرایەوە كە پێویستە ئەم بابەتە لە ڕێگەی دیالۆگەوە چارە بكرێت.