بەغدا ئەوە ٣ مانگە یەک دیناری نەناردووە بۆ کوردستان

هه‌ولێر-KDP.info-  جێگری بەڕێوەبەری بانکی ناوەندی دەڵێ  ماوەی  سێ مانگە  بەغدا یەک دیناری بۆ هەرێمی کوردستان  نەناردووە.
)ئەحمەد خدر) جێگری بەڕێوەبەری بانکی ناوەندیی هەرێمی کوردستان بە ماڵپەڕی فەرمیی پارتی دیموکراتی کوردستانی ڕاگەیاند: "ماوەی سێ مانگە  بەغدا یەک  دیناری بۆ  هەرێمی  کوردستان ڕەوانە نەکردووە؛ حکوومەتی  ناوەندی تەنها پارەی فەرمانبەرانی پاسەپۆرت ڕەوانە دەکات،  چونکە ئەوان بودجە و مووچەیان لەسەر بەغدایە."
جێگری بەڕێوەبەری بانکی ناوەندیی هەرێمی کوردستان هێمای  بەوە کرد کە بەغدا بۆ چەند بوارێک، بە  بانکی ناوەندیی هەرێمی کوردستاندا پارەی ناردووە. گوتیشی: "بێجگە لە پارەی  گەنمی جووتیاران و قەرەبووی شیری  منداڵان و، پارەی  قەرەبووی بەشەخۆراکی فەوتاو، ئەوە سێ مانگە هیچ پارەیەکی تری نەناردووە."
یەحیا سابیر