19 داعش خۆیان ڕادەستی پێشمەرگە كرد
گوێڕ-KDP.info- بەرپرسی میحوەری گوێڕ دەڵێت، لە میحوەرەكەدا بە بەردەوامی تیرۆریستانی داعش خۆیان رادەستی هێزەكانی پێشمەرگە دەكەن و، بەیانی و شەوی رابردوویش ژمارەیەكی دیكە خۆیان ڕادەستی هێزەكانی پێشمەرگە كردووە.
(قادر قادر) بەرپرسی میحوەری گوێڕ، بە ماڵپەڕی فەرمیی پارتیی دیموكراتی كوردستانی راگەیاند: "تیرۆریستانی داعش بەردەوامن لە خۆڕادەستكردنیان و ئەمشەویش لە میحوەری گوێڕ بە دوو كاروان خۆیان ڕادەستی هێزەكانی پێشمەرگە كرد، سەرەتا هەشت داعش و كاروانی دووەمیش بەرەبەیانی بوو كە یازدەی دیكە خۆیان رادەستی هێزەكانی پێشمەرگە كرد، واتا سەرجەمیان نۆزدە تیرۆریست بوون".
بەرپرسی میحوەری گوێر گوتیشی: "سەرجەمیان بۆ لێكۆڵینەوە ڕادەستی سەرپەرشتیاری میحوەری مەخموور و گوێڕ كراون".
نەشوان بەرزنجی
