سێشه‌ممه‌ی دابێ وەزارەتی كشتوكاڵیش مووچه وه‌رده‌گرێ
هه‌ولێر-KDP.inf- وەزارەتی دارایی و ئابووریی حكوومەتی هەرێمی كوردستان ڕایگه‌یاند، سێشه‌ممه‌ی دابێ، هاوكات لەگەڵ دابەشكردنی مووچەی وەزارەتی كار و كاروباری كۆمەڵاتی، مووچەی وەزارەتی كشتوكاڵیش دابەش دەكرێت.
سەرچاوەیەك لە وەزارەتی دارایی و ئابووریی حكوومەتی هەرێمی كوردستان بە ماڵپەڕی فەرمیی حكوومەتی هەرێمی كوردستانی ڕاگەیاند كە هەر لە بەردەوامیی دابەشکردنی مووچەی مانگی تەممووزدا، ڕۆژی سیشەممە 3/11/2015 هاوكات لەگەڵ دابەشكردنی مووچەی وەزارەتی كار و كاروباری كۆمەڵاتی، مووچەی وەزارەتی كشتوكاڵیش دابەش دەكرێت.
