نێچیرڤان بارزانى سه‌ره‌خۆشى له خانه‌واده‌ى ده‌میر و هاك پار ده‌كات
هه‌ولێر-KDP.info- له پرسه‌نامه‌یه‌كدا به بۆنه‌ى كۆچى دواییى "فه‌همى ده‌میر" سه‌رۆكى گشتیى هاك پار، سه‌رۆكوه‌زیرانی كوردستان وێڕاى سه‌ره‌خۆشى، هاوخه‌مى و هاوسۆزیى خۆى بۆ خانه‌واده و كه‌سوكاریان و هاك پار ده‌ربڕى.
ده‌قی پرسه‌نامه‌كه:
به بۆنه‌ى كۆچى دواییى سیاسه‌تمه‌دارى كورد "فه‌همى ده‌میر" سه‌رۆكى گشتیى هاك پار كه دوێنێ له ڕووداوێكى هاتوچۆدا گیانى له ده‌ست دا، وێڕاى پرسه و سه‌ره‌خۆشى، هاوخه‌مى و هاوسۆزیى خۆمان له‌گه‌ڵ خانه‌واده و كه‌سوكارى به‌ڕێزیان و ته‌واوى ئه‌ندامان و لایه‌نگران و جه‌ماوه‌رى هاك ـ پار ده‌رده‌بڕم. خواى گه‌وره گیانى خوالێخۆشبوو به به‌هه‌شت شاد بكات و سه‌بووریى هه‌موو لایه‌كیان بداته‌وه.
نێچیرڤان بارزانى
سه‌رۆكوه‌زیرانى هه‌رێمى كوردستان
26/10/2015
