''نه‌مگوتووه له‌سه‌ر فه‌رمانی سه‌رۆك بارزانی''.. كاكه‌مین نه‌جار: هه‌واڵێك به درۆ ده‌خاته‌وه
هه‌ولێر-KDP.info- (كاكه‌مین نه‌جاڕ) ئه‌ندامى مه‌كته‌بى سیاسیی پارتیی دیموكراتی كوردستان وێڕای ڕه‌تكردنه‌وه هه‌واڵێكى هه‌ردوو كه‌ناڵى كه‌ی ئێن ئێن و ئێن ئاڕ تی، ڕایده‌گه‌یێنێ، سه‌رله‌به‌رى ئه‌و هه‌واڵه‌ی كه گوایه من گوتبێتم، له‌سه‌ر فه‌رمانى (سه‌رۆك بارزانى) تاقمه‌كه‌ى (نوشیروان مسته‌فا) له په‌ره‌له‌مان و حكوومه‌تى هه‌رێمى كوردستان ده‌ركراون، ناڕاسته.
(كاكه‌مین نه‌جاڕ) كه هاوكات به‌رپرسی ئه‌نجوومه‌نی سه‌ركردایه‌تیی پارتییه له پارێزگای هه‌ولێر، به ماڵپه‌رى فه‌رمیى پارتیى دیموكراتى كوردستانى راگه‌یاند: ''ئه‌م ئێواره‌یه هه‌ردوو كه‌ناڵى كه‌ی ئێن ئێن و ئێن ئاڕ تی، هه‌واڵێكى گوازتووه‌ته‌وه، كه له دیمانه‌یه‌كی من له‌گه‌ڵ ئاژانسى 'ئانادۆڵو'دا ساز دراوه، گوایه من گوتبێتم، له‌سه‌ر فه‌رمانى (سه‌رۆك بارزانى) تاقمه‌كه‌ى (نه‌وشیروان مسته‌فا) له په‌رله‌مان و حكوومه‌تى هه‌رێمى كوردستان دا ده‌ركراون، هه‌ڵبه‌ته من لێره‌وه ڕایده‌گه‌یێنم كه، ئه‌م هه‌واڵه سه‌رله‌به‌رى ناڕاسته و ده‌قى چاوپێكه‌وتنه‌كه گۆڕانكارى تێدا كراوه.''
