ئاساییشی كه‌ركووك، تیرۆریستێكی داعشی ده‌ستگیر كرد
كه‌ركووك-KDP.info- به‌ڕێوبه‌ری راگه‌یاندنی ئاساییشی كه‌ركووك ده‌ڵێ تیرۆریستێكیان ده‌ستگیر كردووه له شاروچكه‌ی داقووق كه چه‌كداری داعشه.
نه‌قیب (فه‌رهاد حه‌مه‌عه‌لی) به‌ڕێوەبه‌ری ڕاگه‌یاندنی ئاساییشی كه‌ركووك به ماڵپه‌ڕی فه‌رمیی پارتیی دیموكراتی كوردستانـی ڕاگەیاند:"دوای كۆكردنه‌وه‌ی زانیاری و به دواداچوونی ورد هێزه‌كانمان له هه‌ڵمه‌تێكدا له گوندی (زه‌ینەلعابدین) لە دەڤەری شارۆچكه‌ی (داقووق) توانییان تیرۆریستێكی داواكراو ده‌ستگیر بكه‌ن به ناوی (ش.ا.ا).
نه‌قیب (فه‌رهاد) گوتیشی: ئەو "تیروریستە، داعشه دادگای (دیاله) به‌پێی ماده‌ی (4)ـی تیرۆر، بە شوێنیەوە بوو."
نه‌شوان به‌رزنجی
