حكوومه‌ت جه‌ژنی گشت لایه‌ك پیرۆز ده‌كات..گه‌له‌كه‌مان هه‌نگاو به‌ره‌و ئایینده‌یه‌كی گه‌ش ده‌نێ

هه‌ولێر-KDP.info-  حكوومه‌تی هه‌رێمی كوردستان به‌بۆنه‌ی جه‌ژنی قوربانی پیرۆزه‌وه‌ په‌یامێكی پیرۆزبایی راگه‌یاند و تێیدا هاتووه‌ " هەرگیز گیانفیداکاری و قوربانیی ئەو ڕۆڵە قارەمانانەمان لەیادناچێ کە لە سایەی خوێنی گەشی ئەواندا گەلەکەمان بە سەربڵندی و شکۆوە بەرەو ئاییندەیەکی گەش هەنگاو دەنێت".

ده‌قی په‌یامه‌كه‌:
بەبۆنەی هاتنی جەژنی قوربانی پیرۆزەوە سەرەتا گەرمترین پیرۆزبایی ئاڕاستەی خانەوادە و کەسوکاری سەربەزی شەهیدە نەمرەکانمان دەکەین و هەرگیز گیانفیداکاری و قوربانیی ئەو ڕۆڵە قارەمانانەمان لەیادناچێ کە لە سایەی خوێنی گەشی ئەواندا گەلەکەمان بە سەربڵندی و شکۆوە بەرەو ئاییندەیەکی گەش هەنگاو دەنێت.

پیرۆزباییەکی گەرم ئاڕاستەی پێشمەرگە قارەمانەکانمان دەکەین کە لە سەنگەری شەرەف و سەربەرزیدا بەریان بە شاڵاوی دڕندانەی بەرەی تاریکی و تیرۆر گرتووە.

ئەم بۆنەیە پیرۆز دەکەین لەسەرجەم موسوڵمانانی کوردستان و عێراق و جیهان. هیوادارین هاتنی جەژنی قوربانی پیرۆز، کردنەوەی دەروازەی خێر و خۆشی بێت بۆ گەل و خاکەکەمان و دەرگا بە ڕووی برایی و تەبایی و یەکڕیزیی لایەنەکانە سیاسییەکان و سەرجەم پێکهاتەکانمان واڵا بکات.

هەموو ڕۆژێکتان هەر جەژن و شادی بێت و کوردستانیشمان ئازاد و ئاوەدان و پێشکەوتوو.

ئەنجوومەنی وەزیرانی هەرێمی کوردستان
23/ ئەیلوول/2015