پۆلیس و ئاسایش، لە کوژرانى سەرۆکی دادگای شەرعیی کەرکووک دەکۆڵنەوە
كه‌ركووك -KDP.info- بەرێوبەری پۆلیسی قەزا و ناحیەکانی کەرکووک رایگه‌یاند، کە ئەم بەیانییە تەقە لەسەرۆکی دادگای شەرعیی کەرکووک کرا و دەستبەجێ گیانی لە دەست دا.
عەمید (سەرحەد قادر) بەرێوبەری پۆلیسی قەزاوناحیەکانی کەرکووک، بە ماڵپەری فەرمیی پارتیی دیموکراتی کوردستانی راگەیاند: "بەیانی ئەمڕۆ لە جادەی قودسی کەرکووک، سەرۆکی داگای شەرعیی کەرکووک (ئیبراھیم خەمیس) لە کاتی چوونی بۆ دەوام، لەلایەن چەند چەکدارێکی نەناسراوه‌وه تەقەی لێ کراوە و لە ئاکامدا خۆی و دوو پاسەوانی گیانیان لە دەست داوە."
(سەرحەد قادر) گوتیشی، لەئێستادا پۆلیس و ئاسایش، لەو کردە تیرۆریستییە و چۆنیەتیی ڕووداوەکە دەکۆڵنەوە.
بڵند ئیبراھیم
