"بۆ هیچ دەزگایەکی سەربازی و حکوومی و حزبی نییە نمایشی سەربازی و رێپێوان لە هەولێر بکەن"

 هه‌ولێر-KDP.info-به‌گوێره‌ی راگه‌یاندراوێك كه‌ واژۆی پارێزگاری هه‌ولێری له‌سه‌ره‌، بە فەرمانی سەرۆکی هەرێمی کوردستان (مه‌سعوود بارزانی)، هیچ  نمایشێکی سەربازی و رێپێوان لە نێو شاری هەولێر رێگەی پێنادرێت.

بەگوێرەی راگەیاندراوێک كه‌ واژۆی  نەوزاد هادی، پارێزگاری هەولێری له‌سه‌ره‌ و کۆپییه‌كی ده‌ست ماڵپه‌ڕی فه‌رمیی پارتیی دیموكراتی كوردستان كه‌وتووه‌، له‌سه‌ر فەرمانی (مەسعوود بارزانی)، سەرۆکی هەرێمی کوردستان بۆ هیچ دەزگایەکی سەربازی و حکوومی و حزبی نییە نمایشی سەربازی و رێپێوان لە نێو شاری هەولێر بکەن و بەهیچ شێوەیەک رێگەی پێ نادرێت.