شنگال..پێشمه‌رگه له‌سێ قۆڵه‌وه داعشی شكاند
__2015_08_06_h21m0s22__LB.jpg)
شنگال-KDP.info-ئەفسەرێكی پێشمەرگە لەگەرمەی شەڕەوە لەمیحوه‌ری شنگال پیێ ڕاگەیاندین كەوا پێشمەرگە هێرشی تیرۆریستانی داعشی له‌شنگال لە سێ قۆڵەوە تێكشكاندووه و گورزێكی گەورەیان لێ وه‌شاندوون.
(ڕائید ڤەمان بەرواری) یەكێك لەئەفسەرانی لیوای8ی پیادەی هێزەكانی پێشمەرگە لەمیحوه‌ری شنگال بە ماڵپه‌ڕی فه‌رمیی پارتیی دیموكراتی كوردستانی گوت:" كەمێك لەمەوبەر، تیرۆریستانی داعش لەسێ قۆڵەوە لە گەڕەكی (سەیدە زەینەب، حەیل نەسر و بازاڕی شنگال) هێرشیان بۆسەر سەنگەرەكانی پێشمەرگە هێنا، بەڵام دەمودەست هێرشەكەیان لەلایەن پێشمەرگە به‌رپه‌رچدرایه‌وه و تێك شكێندران.
ئەفسەرەكه‌ی پێشمەرگە گوتیشی:" لەئاكامی تێكشكاندنی ئەو سێ هیرشەیان، داعش لەسەردەستی پێشمەرگە گورزی گەورەیان بەركەوت، بەڵام بەهۆی ئەوەی هێشتا شەڕەكە بەردەوامە قەبارەی زیانەكان جارێ نەزانراوە.
هەژار مەموزینی
