داعش ٦٠٠منداڵە ئێزدی بۆ کردەی خۆکوژی ڕادەهێنێ
شنگال-KDP.info- فەرمادەیەکی ھێزی پێشمەرگە لە شنگال دەڵێت، رێکخراوە تیرۆریستەکەی داعش ٦٠٠منداڵی ئێزدی بۆ ئەنجامدانی کردەی خۆکوژی ڕادەهێنێ.
فەرماندەی ھێزی پێشمەرگە لە شنگال (مەحما خەلیل) بە ماڵپەری فەرمیی پارتیی دیموکراتی کوردستانی راگەیاند: "رێکخراوی تیرۆریستی داعش لە کاتی دەستبەسەرداگرتنی شنگال ٦٠٠منداڵی ئێزدییان لە دایک و باوکیان جیا کردوونەتەوە و رفاندوویانن، لەئێستایشدا لە چەند سەربازگەیەک لە مووسڵ و تەلەعفەر مەشق و راھێنانیان پێ دەکەن بۆ ئەوەی لە کردەوەی خۆکوژیدا بەکاریان بھێنن و، لەئێستادا فێری ئەو مەشق و راھێنانەیان دەکەن."
بەپێی زنیارییەکانی (مەحما خەلیل)، ئەو منداڵانەی کە رفێندراون تەمەنیان لە ١٢ساڵ بۆ خوارەوەیە.
بڵند ئیبراھیم
