هه‌وڵی هه‌رزانكردنه‌وه‌ی كارتی مۆبایل و ئینته‌رنێت ده‌درێت
بەغد-ا-KDP.info له‌سه‌ر سه‌پاندنى باج و گرانكردنى نرخى كارتى موبایل و ئینته‌رنێت بڕیار دراوه لیژنه‌ى پڕۆژه‌كان وه‌زیرى گه‌یاندن بانگهێشت بكه‌ن.
ئه‌ندازیار (ئه‌میره عه‌بدولكه‌ریم) ئەندامی لیژنه‌ى پڕۆژه‌كان له‌نێو ئەنجومەنی نوێنەرانی عێراق له فراكسیۆنى پارتیى دیموكراتى كوردستان به ماڵپه‌ڕى فه‌رمیى پارتیى گوت: " وه‌كو لیژنه‌ى پڕۆژه‌كان بڕیارمانداوه حه‌فته‌ى دابێ بانگهێشتى وه‌زیرى گه‌یاندن له حكوومه‌تى عیراقى فیدراڵ بكه‌ین له‌باره‌ى باج خستنه‌سه‌ر كۆمپانیاكانى بوارى گه‌یاندن و گرانكردنى نرخى كارتى موبایل و ئینته‌رنێت له‌لایه‌ن ئه‌و كۆمپانیانه بۆ هاووڵاتیان تا گفتووگۆى له‌سه‌ر بكه‌ین و ئه‌و كێشه‌یه چاره بكه‌ین، به‌هه‌موو شێوه‌یه‌كیش كار ده‌كه‌ین و هه‌وڵ ده‌ده‌ین تا گرانكردنه له‌سه‌ر خه‌ڵك لا ببرێ."
ئه‌و ئه‌ندامه‌ى لیژنه‌ى پڕۆژه‌كانى ئه‌نجومه‌نى نووێنه‌رانى عیراق گوتیشى: "پێشتر خوێندنه‌وه‌مان بۆ ئه‌و پڕۆژه‌یه كردووه و چه‌ند جارێكیش دانیشتووین له‌گه‌ڵ وه‌زیرى گه‌یاندن بۆ ئه‌وه‌ى باجه‌كه بخرێته سه‌ر كۆمپانیاكان نه‌ك هاووڵاتیان چونكه كۆمپانیاكان سوود دەکەن نه‌ك هاووڵاتی."
نەشوان بەرزنجی
