ئاوارە كەمئەندام و منداڵەکان باروبوو کران

بەحرکە-KDP.info-دەزگای خێرخوازی بارزانی دەیان جۆر پێداویستی بەسەر منداڵان و كەمئەندامانی ئاوارەکانی نیشتەجێی كەمپی هەرشەم و كەورگۆسك و بەحركە دابەش کرد.
ڕۆژی 12/4/2014 دەزگای خێرخوازیی بارزانی و رێكخراوی مانگی سووری ئیمارات، پێکەوە (600) سەلەی خواردن و (300) سەلە پێداویستیی منداڵانەیان بەسەر ئاوارەکانی كەمپی هەرشەمدا دابەش کرد؛ لە كەمپی كەورگۆسكیشدا (1300) دەست جلوبەرگی منداڵەیان دا بە ئاوارەکان. بێجگە لەوەیش، بە گوێرەی پێویست پەڕۆک (دایبی) و خورما و هێلكەیشیان بەسەر ئاوارە كەمئەندامەکانی كەمپی بەحرکەدا دابەش کرد.