سەرۆكایەتیی پەرلەمان و یەكێتی، گفتوگۆ لەبارەی دەستوور و ویلایەتی سەرۆكی هەرێمەوە دەكەن
سلێمانی-KDP.info- سكرتێری پەرلەمانی كوردستان رایگەیاند، لە درێژەی سەردانەكانیان بۆ لای لایەنە سیاسییەكان، ئەمڕۆ سەردانی یەكێتیی نیشتیمانی كوردستان دەكەن، بەرنامەیشیان هەیە سەردانی لایەنەكانی دیكەیش بكەن.
سكرتێری پەرلەمانی كوردستان (فەخرەددین قادر)، بە ماڵپەری فەرمیی پارتیی دیموكراتی كوردستانی گوت، بڕیارە بە مەبەستی گفتوگۆكردن لەبارەی دەستوور و ویلایەتی سەرۆكی هەرێمی كوردستانەوە، ئەمڕۆ سەردانی یەكێتیی نیشتمانیی كوردستان لە شاری سلێمانی بكەن.
تاوەكو ئێستا دەستەی سەرۆكایەتیی پەرلەمانی كوردستان سەردانی هەر یەكە لە سەرۆكی هەرێمی كوردستان، بزووتنەوەی گۆڕان، یەكگرتووی ئیسلامی و كۆمەڵی ئیسلامییان كردووە و ئەوانیش پشتگیریی خۆیان بۆیان دووپات كردووەتەوە كە بەپێی سازان ئەو دوو پرسە یەكلا بكرێنەوە.
بە گوتەی (فەخرەددین)، بڕیارە سەرۆكایەتیی پەرلەمان بۆ هەمان مەبەست سەردانی لایەنەكانی دیكەیش بكەن.
بڵند ئیبراهیم
