سەركردەیەكی باڵا و سێ تیرۆریست كوژران.. كۆشكی سەرۆكایەتی لە مووسڵ تەقێندرایەوە
مووسڵ-KDP.info- بەرپرسی لقی چواردەی پارتیی دیموكراتی كوردستان رایگەیاند، ئەمڕۆ لە مووسڵ سەركردەیەكی باڵا و سێ تیرۆریست كوژراون، هەروەها بارەگای ئەكادیمیای پۆلیس ڕووخیندراوە و كۆشكی سەرۆكایەتییش تەقێندراوەتەوە.
بەرپرسی لقی چواردەی پارتیی دیموكراتی كوردستان (عیسمەت رەجەب) بە ماڵپەری فەرمیی پارتیی دیموكراتی كوردستانی گوت: "یەكێك لە سەركردە گەورەكانی مووسڵ بە ناوی (ئەبومەنسوور) كە بەرپرسی جووڵانەوە و پرۆسە سەربازییەكانی داعش بووە، لەلایەن ژمارەیەك چەكداری نەناسراوەوە تەقەی لێ كرا و كوژرا.
(رەجەب) گوتیشی: "تیرۆریستانی داعش بارەگای ئەكادیمیای پۆلیسیان لە شەلالات ڕووخاند و كۆشكی سەرۆكایەتییشیان لە مووسڵ تەقاندەوە
.
بەرپرسی لقی چواردە ڕوونیشی كردەوە، ئۆتۆمبێلێكی جۆری پیكاب لە گەڕەكی عەرەبیدا بە تیرۆریستانی داعشدا تەقییەوە و لە ئاكامدا سێ تیرۆریست كوژران، هەروەها تیرۆریستانی داعش فەرمانبەرێكی تەندروستیی مووسڵیان بە ناوی (عایدە حەسەن) بە تۆمەتی ناپاكیكردن گوللەباران كرد.
بڵند ئیبراهیم
