داعش لەسەر مۆبایل ٢٥ کەسیان گرت
مووسڵ-KDP.info- سەرچاوەیەكی ئاگادار لە دۆخی مووسڵ ئاشكرای كرد، داعشان ٢٥ هاووڵاتیان گرتووە لەبەر ئەوەی بە مۆبایل پەیوەندییان بە کەسوکاریانەوە کردبوو.
(سەعید مەموزینی) بەرپرسی ڕاگەیاندنی لقی 14ی پارتیی دیموكراتی كوردستان لە مووسڵ، بە ماڵپەڕی فەرمیی پارتیی دیموكراتی كوردستانی ڕاگەیاند: "ئەمڕۆ دووشەممە، تیرۆریستانی داعش لە مووسڵ زیاتر لە ٢٥ هاووڵاتییان دەستگیر کردووە کە بە مۆبایل پێوەندییان بە کەسوکاریانەوە کردبوو؛ کەس نازانێ داعش ئەو هاووڵاتیانەی بۆ کوێ بردووە و، چارەنووسیان چ دەبێ."
هەژار مەموزینی
