بەرپرسە گەندەڵەکانی عێراق، ترلیۆنە دینارێکیان ئاودیو کردووە!

هەولێر-KDP.info- (حەیدەر فەوادی) ئەندامی لیژنە  دەستپاكییەکەی پەرلەمانی عێراق ڕایگەیاند، بەرپرسێكی عێراقی ترلیۆنە دینارێك زیاتریشی لە عێراق ئاودیو کردووە.

(حەیدەر فەوادی) لە لێدوانێكی ڕۆژنامەوانیدا وای ڕاگەیاند: "وا دەستەی  دەستپاكی لە هەوڵداین بۆ گەڕاندنەوەی پارە دزراوەكانی عێراق، بە تایبەت ئەو پارانەی  بە ناوی هەندێك لە بەرپرسی عێراقی  و خزمەكانیان لە بانكەنكانی جیهان تۆمار كراون. هەندێک بەرپرسیش پارەیان ئاودیو کردووە و، لە چوارقڕنە دنیادا، خانووبەرە و كۆمپانیایان پێ کڕیوە! زۆربەی پارەکەیان لە عێراقەوە ئاودیو کردووە بۆ لبنان."
ئەو پەرلەمانتارەی عێراق ڕوونیشی كردووەتەوە: "بڕی ئەو پارەیەی بەرپەرسە عێراقییەکان بە گەندەڵی ئاودیویان کردووە، ترلیۆنێك‌و14ملیۆن دینارە."
فەوادی  ناوی هیچ بەرپرسێکی نەدرکاند.
بە گوێرەی ڕاپۆرتی دەزگاكانی بنبڕکردنی گەندەڵی، گەندڵی لە عێراقدا پیس ڕەگی داکوتاوە.
یەحیا سابیر