داعش سێ رۆژ مۆڵەت بە كوردەكانی مووسڵ دەدات
مووسڵ-KDP.info- تیرۆریستانی داعش لە ناو مووسڵ و دەوروبەری، بڕیارێكی تایبەت بەو كوردانەی لە ناوچەكانی ژێر دەستی ئەواندان، دەردەكەن و مۆڵەتی سێ رۆژیان پێ دەدەن بۆ ئەوەی شارەكە چۆڵ بكەن.
ئەندامی لیژنەی ئەمنیی ناوچە كوردستانییەكانی دەرەوەی ئیدارەی هەرێم لە مووسڵ (غەیاس سوورچی) بە Kdp.info-ی ڕاگەیاند، لە ناو شاری مووسڵ و دەوروبەری و ئەو ناوچانەی لە ژێر دەستی خۆیاندان، چەكدارانی تیرۆریستی داعش 3 رۆژ مۆڵەتیان داوە بەو خێزانە كوردانەی كە تاكێكی ناو خێزانەكەیان لەگەڵیان نەمابێت، واتە بەرەو شوێنێكی دیكە رۆییشتبێت و پێی ڕاگەیاندوون كە پێویستە شارەكە چۆڵ بكەن.
(سوورچی) ئاماژەیشی دا كە، هەرچەندە كوردێكی زۆر كەم لە ناوشاری مووسڵ و دەوروبەری و ئەو ناچانەی لە ژێر دەستەڵاتی تیرۆریستانی داعشدا ماون، بەڵام ئێستا ئەوانیش دەبێت شارەكە چۆڵ بكەن ئەگەر تاكێكی خێزانەكەیان ئاوارە بووبێت.
نەشوان بەرزنجی
