پێشمەرگە گەییشتە دەروازەکانى سلێمان بەگ

سلێمان بەگ-KDP.info-  لەبەرەبەیانى ئەمڕۆوە، هێزەکانى پێشمەرگە بە هاوکاریى سوپاى عێراق، هێرشێکى فراوانییان لە میحوەرى خوماتوو دەست پێ کرد، لە ئێستا گەیشتوونە بە دەروازەکانى ناحیەى سلێمان بەگ.
سەرچاوەیەک لە بەرەکانى شەڕ بە KDP.info-ی ڕاگەیاند: "هێزەکانى پێشمەرگە لەبەرەبەیانى ئەمڕۆوە هێرشێکى فراوانى دەست پێ کردووە، یەکێک لەو شوێنانەى ئامانجیانە ئازادى بکەن ناحیەى (سلێمان بەگ)-ە."
زیاتر گوتى: "لە ئێستادا هێزەکانمان توانیویانە گوندى (عەماش) ئازاد بکەن، کە زۆر لە ناحیەى سلێمان بەگ نزیکە، بەمەیش دەتوانین بڵێین گەییشتووین بە دەرزوازەکانى ناحیەى سلێمان بەگ."
سه‌رچاوه‌که‌ گوتیشى: "بە هۆى بۆمبڕێژکردنى ئەو ناوچانەى کە هێزەکانى داعش پاشه‌کشەى لێ دەکەن، پرۆسەکە کەمێک بە هێواشى بەڕێوە دەچێت، بەڵام بەردەوام هێزەکانى داعش لە پاشەکشە و، هێزەکانى پێشمەرگەیش لە پێشڕەویدان."
هیوا حوسێن ئەمین