لە سنوری تلکێف شەڕ دەستی پێ کرد
تلکێف-تایبەتKDP.INFO- ئەندامێکی ئەنجوومەنی پارێزگای مووسڵ دەڵێت، لە سنووری قەزای تلکێف شەڕ لەنێوان ھێزی پێشمەرگە و داعشدا دەستی پێ کردووە و عەرەبەکانی ئەو ناوچانەیش ھاوکاریی داعش دەکەن.
ئەندامی ئەنجوومەنی پارێزگای مووسڵ (غەزوان داوودی) بە KDP.INFOی راگەیاند: "لە سنووری قەزای تلکێف لە ناحیەی وانێ، شەڕ دەستی پێ کردووە و لەئێستادا داعش لە ناو ناحیەی وانێدانە و شەڕیش بەردەوامە."
(غەزوان داوودی) گوتیشی: "یەکێک لە کێشەکان ئەوەیە کە، ئەو شوێنانەی کە زیاتر عەرەبن، ھاوکاریی داعش دەکەن و زۆرینەی خەڵکی وانێیش عەرەبی سوننەن."
بڵند ئیبراھیم
