پەكەكە لە ناوچەی هەكاری سێ شوانی رفاند

هەکاری-KDP.info-  بەڕێوەبەری گشتیی ئەمنیەتی هەكاری رایگەیاند كە، سەرلەبەبەیانیی ئەمڕۆ هەینی، ئەندامانیپەكەكە لە كوێستانەكانی مەیدانی سەر بە هەكاری، سێ شوانیان ڕفاندووە کە دووانیان پاسەوانی گوندن و خانەنشین كراون و یەكێكی دیكەیشیان هاووڵاتییەكی ئاساییە.

بەپێی لێدوانی بەڕێوەبەری ئەمنیەتی هەكاری، بەرەبەیانیی ئەمڕۆ هەینی، هەر یەك لە سەرۆكی پێشووی كۆمەڵەی پاسەوانانی گوند –جاش- (ئەمین ئۆزەر) و پاسەوانی گوندی خانەنشینكراو (عیسا ئەرەن) و هاووڵاتییەكی دیكە بە ناوی (عومەر یوجە) بۆ لەوەڕاندنی مەڕ و ماڵاتەكانیان روویان لە كوێستان و بەرزاییەكانی ناوچەی مەیدانی سەربە هەكاری كردووە، بەڵام لە لایەن گرووپێك لە ئەندامانی پەكەكەوە رفێنراون و دوای ئاگاداركردنەوەی هێزی جەندرمە لەو رووداوە، هێزەكانی جەندرمە بە هاوبەشی هێزە ئەمنییەكانی دیكە بۆ رزگاركردنی ئەو سێ شوانە لە ناوچەكەدا دەستیان بە ئەنجامدانی ئۆپەراسیۆنێكی سەربازی بەرفراوان كردووە.

هیوا ئەردەلان