12 بنگه‌هـ ژبۆ به‌لاڤكرنا پلێتێن پانزینێ‌لدهوكێ دێ هێنه ڤه‌كرن
__2014_06_30_h16m41s23__BA.jpg)
دهوك-KDP.info- سه‌رۆكێ لیژنا سۆته‌مه‌نیێ ل پارێزگه‌ها دهۆكێ دیار كر ژبو نه‌هێلانا قه‌یرانا په‌نزینێ ونه‌هیلانا سرایا ترومبیلان ورێكخستنا وه‌رگرتنا په‌نزینێ وه‌زاره‌تا سامانێن سروشتى بریار دا كو وه‌رگرتنا په‌نزینێ ببیته پلیتَ وه‌كێ به‌رى وئه‌ڤرو ژى دێ 12 بنگه‌ه بۆ به‌لاڤكرنا پلێتێن پانزینێ دێ ل سه‌رانسه‌ری پارێزگه‌ها دهۆكێ هێنه ڤه‌كرن وپلێت دێ لسه‌ر شوفێران هێنه به‌لاڤه‌كرن.
سه‌رۆكێ لیژنا سۆته‌مه‌نیێ ل پارێزگه‌ها دهۆكێ( ئه‌ندازیار ئوسمان یونس) بوkdp.info دیار كر، ژبو نه‌هیلانا سرایا ترومبیلان ورێكخستنا وه‌رگرتنا په‌نزینێ وئه‌ڤرو دێ 12 بنگه‌ه بۆ به‌لاڤكرنا پلێتێن پانزینێ دێ لسه‌رانسه‌ری پارێزگه‌ها دهۆكێ هێنه ڤه‌كرن وپلێت دێ لسه‌ر شوفێران هێنه به‌لاڤه‌كرن.
سه‌رۆكێ لیژنا سۆته‌مه‌نیێ ل پارێزگه‌ها ئاشكرا كر ژوان بنگه‌هێن دێ هێنه ڤه‌كرن ل سه‌نته‌رێ پارێزگه‌ها دهوكێ چار بنگه‌ه بن وئه‌و ژى (هۆلا رووتانا و هولا عومه‌ر گوندی و ل هۆلا چنار و بنگه‌هی دی ژی دێ ل نێزیك هۆلا رووتانا هێته ڤه‌كرن )، و ل قه‌زا زاخۆ ژی 2 بنگه‌ه دێ هێنه ڤه‌كرن و 2 بنگه‌ه ژی ل قه‌زا ئامیدیێ و بنگه‌هه‌ك ژی ل قه‌زا سێمێلی و بنگه‌هه‌ك ژی ل به‌رده‌رش و بنگه‌هه‌ك ژی دێ ل شێخان بیت و ل ئاكرێ ژی ئێك بنگه‌ه دێ هێته ڤه‌كرن و هه‌موو بنگه‌ه دێ د هولێن شه‌هیان دا هێنه ڤه‌كرن.
ئه‌ندازیار ئوسمان یونس گوت ژى ،هه‌ر وه‌لاتیه‌ك دێ ل ده‌ڤه‌را خوه پلێتا پانزینێ وه‌رگریت بۆ هندێ هاتنوچوونێ نه‌كه‌ن ژ قه‌زایه‌كی بۆ ئێكا دی و ئه‌و ژی كا پلێتا ئاهێن خوارنێ كیژ قه‌زایێ یه دێ ل وێ قه‌زایێ پلێتا خوه یا پانزینێ وه‌رگریت، و به‌لاڤكرنا پلێتان دێ یا بێ به‌رامبه‌ر بیت.
دلدارئیبراهیم
