بایدن داوا لە بارزانی، نوجێفی و مالیکی دەکات، وێکڕا بەرەنگاری داعش ببننەوە
واشنتۆن-KDP.info- کۆشکی سپی ڕیگەیاند کە، جێگری سەرۆکی ئەمەریکا، جۆو بایدن دوێنێ چوارشەممە داوای لە سێ سەرکردەی عێراق کردووە کە بۆ بەرەنگاربوونەوەی چەکدارانی دەوڵەتی ئیسلامی لە عێراق و شام(داعش) یەک بگرن و جەختیشی کردووەتەوە لە پێویستیی پێکهێنانی حکوومەتێک کە کۆی پێکهیاتەکان لەخۆ بگرێت.
دوێنێ چوارشەممە، بایدن قسەی لەگەڵ هەریەک لە سەرۆکوەزیرانی عێراق، نووری مالیکی و ڕکابەرە سوننەکەی کە سەرۆکی پەرلەمانە، ئوسامە نوجێفی و هاەروەها سەرۆکی هەرێمی کوردستان، مەسعوود بارزانی کردووە.
کۆشکی سپی لە بەیاننامەیەکەدا لەبارەی ئەو پێوەندییە تەلەفۆنییەی بایدن لەگەڵ هەریەک لە، سەرۆک بارزانی، مالیکی و نوجێفییەوە دەڵێت "لە هەر پایوەندییەکیدا، جێگری سەرۆک (بایدن) جەختی لە پێویستیی یەکیەتیی نیشتیمانی کردووەتەوە تا وێکڕا بەر بە ئەو مەترسییەی ڕێکخراوی دەوڵەتی ئیسلامی لە عێراق و شام بگرن، لەسەر کۆی پێکهاتەکانیش پێویستە پێوەست بە بابەتی ئەمنی هەماهەنگ بن و هەنگاو بنێن بۆ پێکهێنانی حکوومەتێکی نوێ کە دەستوور بەبنەما بگیرێت."
