نەخۆشخانا تەنگاڤییان لدهوكی یا بەرهەڤە بۆ هەر روودانەكا نەچاڤەرێكری بو قوربانیێن باژێرێ مووسل

دهوك - kdp.info-رێڤەبەرێ نەخۆشخانا تەنگاڤییان ل پارێزگەها دهۆكێ دیاركر كو پشتی ل پارێزگەها مووسل شەڕ دەستپێكری، هژمارەكا قوربانی و بریندار ل پشت خوە هێلاین، 11 كەس ژ بریندارێن وی شەری هاتینە رەوانەكرن بۆ نەخوشخانا تەنگاڤییان ل دهوكێ و هەموو چارەسەری بۆ هاتینە كرن.

رێڤەبەرێ نەخۆشخانا تەنگاڤیان لدهوكی (د. نەوزاد محەممەد تاها) بو kdp.infoدیار كر، كو ژ وان 11 بریندارێن هاتینە رەوانەكرن بۆ نەخۆشخانا تەنگاڤیان (4) كەس ب گولە ‌ێن تڤەنگێ بریندار بووینە و (7)  ژی قوربانیێن پەقینانە، كو هندەك هاتینە رەوانەكرن بۆ جهێن تایبەت دا چارەسەری بۆ بهێتە كرن، گۆت ژی هندەك ژ وانا نشتەرگەری بۆ هاتیە كرن، هندەك برینداران ژی دەست و پێن وان هاتینە برینداركرن.

د. نەوزاد محەممەد تاها ئاماژە ب وێ چەندێ ژی دا، نەخۆشخانا تەنگاڤییان ب هەموو نوشدار و پەرستار و كارمەندێن خوە ڤە د بەرهەڤن بۆ هەر روودانەكا نەچاڤەرێ كری و قوربانیێن باژێرێ مووسل.

دلدار ئیبراهیم