لە ئەنجامی دوو تەقینەوە لە کەرکووک 20کەس بوونە قوربانی

کەرکووک-تایبەت بەkdp.info-  لە ئەنجامی تەقینەوەی دوو ئۆتۆمبێل لە شاری کەرکووک 20کەس بوونە قوربانی.

بەرپرسی راگەیاندنی ئاساییشی کەرکووک، فەرھاد حەمەعەلی، بۆ kdp.info گوتی: ئەمڕۆ لە شاری کەرکووک دوو ئۆتۆمبێلی جۆری ئۆپل تەقینەوە، یەکەمیان لە نزیک بارەگای کۆنی پۆلیسی کەرکووک بووە و ئەوەی دیکەشیان لە گەڕەکی پیشەسازی روویداوە.

فەرھاد حەمەعەلی گوتیشی: لە ئاکامی ئەو دوو تەقینەوە ھەشت کەس شەھید بوونە و12کەسی دیکەش بریندار بوونە.

زیاتر گوتی: زۆرینەی قوربانییەکان ئافرەت و منداڵ و ھاووڵاتیی مەدەنین.

 

بڵند ئیبراھیم