ئامه‌د هونه‌رمه‌ند شڤان په‌روه‌ری له‌باوه‌ش گرت

ئامه‌د - KTV/  پشتی ب ده‌هان سالێن ده‌ربده‌ری و دووركه‌تنا ژ گه‌ل و وه‌لاتێ خوه‌ ژبۆ یه‌كه‌م جار هونه‌رمه‌ندێ ناڤدارێ كورد شڤان په‌روه‌ر ب دیتنا ئامه‌دێ و خه‌لكێ خوه‌ ل باكوورێ كوردستانێ شادبوو ـ
شڤان په‌روه‌ر كو ته‌ڤی رێزدار مه‌سعود بارزانی سه‌رۆكێ هه‌رێما كوردستانێ سه‌ری ل ئامه‌دێ دا، د رێوره‌سمه‌كێ و د په‌یڤه‌كێ ده‌ شابوونا خوه‌ ب ڤێ سه‌ره‌دانێ دیار كر و ڤیانا خوه‌ ژ گه‌ل و وه‌لاتێ خوه‌ ره‌ نیشاندا و ته‌كه‌ز ل سه‌ر ب هه‌ڤه‌ره‌ ژیانێ و پرۆسه‌سا ئاشتیێ كر كو ری یا هه‌ری داوی هه‌ر ئاشتی و هه‌ڤقه‌بوولكرنه‌ ـ
پشتره‌ د رێوره‌سما شاهی یا ب كۆم یا ئامه‌دێ ده‌ ب ئاماده‌بوونا سه‌رۆكێ هه‌رێما كوردستانێ مه‌سعود بارزانی و سه‌رۆك وه‌زیرێ تركیێ ره‌جه‌ب ته‌یب ئه‌ردۆغان وسیاسه‌تڤانا كوردا باكوورێ كوردستانێ له‌یلا زانا و هه‌ژماره‌كه‌ به‌ربچاڤ یا به‌رپرسیارێن سیاسی یێن ترك و كورد و كه‌س و كارێن بیك و زاڤا، هه‌ردو هونه‌رمه‌ندێن ناڤدار ئیبراهیم تاتلیس و شڤان په‌روه‌ر ب هه‌ڤره‌ ستران گۆتن وه‌ك پشتگریه‌ك ل پرۆسه‌سا ئاشتیێ و پیرۆزكرنا شاهی یا ب كۆما بیك و زاڤایێن ئامه‌دێ ـ