لیستەیا 110 ژ بۆ پێشەرۆژەكە دەمۆكراتیك و ژیانەكە ئازادە

ئیرفان شەمزینی

ئارمانجا لستا 110، پێشخستنا دەسكەفتێن گەلێ كورد و كوردستانێیە، لستەكە سیاسی و كوردەواریە. لستا 110، خورتكرنا هەست و روحێ نەتەوایەتی و خوەدی دەركەتنا رێبازا سەرۆكێ نەتەوەیا كورد مەلا مستەفا بارزانی یە. د هلبژارتنا 21ـێ ئیلۆنێ دە، دەنگدان ژ بۆ لستا 110 و هلبژارتنا بەرئەندامێن پارتیا دەمۆكراتا كوردستانێ، دەنگدانە ژ بۆ پاراستنا دەسكەفتێن هەرێما كوردستانێ و دێ ببە واتەیا پاراستنا گشت یا گەلێ كورد. دڤێ گەلێ كورد، لستا 110 ژ بۆ پێشەرۆژەكە دەمۆكراتیك و ژیانەكە ئازاد بكە ئارمانج و 21ـێ ئیلۆنێ ژ بۆ دیاركرنا چارەنڤیسا خوە وەك دەرفەتەك بزانە. گەلێ كورد باش دزانە كو، هەبوونا گەلێ كورد ل جیهانێ دە، ب سایا رێبازا سەرۆكێ نەمر مستەفا بارزانی و پارتیا دەمۆكراتا كوردستانێ ڤە هاتیە ناسین و گەر ئیرۆ ژی گەلێ كورد گەهشتبە ئەنجامەكی، هەر ب سایا تێكۆشینا سەرۆكێ مەزن و هەزاران خوینا شەهیدان ڤە گەهشتیە ڤێ ئەنجامێ. تێكۆشینا رزگاریا گەلێ كورد، پشتی سەرۆكێ نەمر ژی هەر بەردەوام بوویە و ئەڤ ئەرك ئیرۆ ژی ب سەرۆكاتیا هەرێم و پارتیا دەمۆكراتا كوردستانێ برێز مەسوود بارزانی ڤە تێ دۆماندن. لستا 110 ژی رهێ ڤێ رێبازێ یە و ب روحێ نەتەوایەتی هاتیە ئاڤاكرن. ئیرۆ سەرۆكێ هەرێما كوردستانێ برێز مەسوود بارزانی پرەكە گرنگ د ناڤبەرا كوردستان و وەلاتێن دەرڤە ئاڤا كریە و هەروەها سەرۆكوەزیرێ حكوومەتا هەرێما كوردستانێ برێز نێچیرڤان بارزانی ژی، د پێشدەبرنا سەرانسەرێ كوردستانێ دە وەك ئەندازیارەك رۆلەكە گرنگ لیستیە. دڤێ د ئارامیا كوردستانێ دە رۆلا پێشمەرگەیێن پارتی و ئاسایشا هەرێما كوردستانێ تو جاران نەیێ ژبیر كرن. ژ بەر كو پێشمەرگەیێن پارتی، ل هەمبەر هەر گەفەكە ل دژی گەلێ كورد جانفیدا بوویە و ب جانو روح خاك و گەلێ خوە پاراستیە. ژ بەر ڤێ یەكێ یە، لستا 110 دەرفەتەكە ژ بۆ هەرێما كوردستان و ژ بۆ كوردێن هەر چار پارچەیێن كوردستانێ.

 

گەر د ئەنجاما هلبژارتنێ دە ئیرادەیەك خورت ژبۆ لستا 110 دەركەڤە، ئەز د ڤێ باوەریێ دە مە كو، ل پێشیێ سەرۆك بارزانی و رایەدارێن كوردستانێ، دێ سەرخوەبوونا كوردستانێ بینن رۆژەڤا جیهانێ. ژ بەر وێ یەكێ یە دڤێ هەر كەسێ مافێ دەنگدانێ هەیە، ب هەموو هێزا خوە ڤە پشتگریێ بدن لستا 110 و بەرئەندامێن پارتیا دەمۆكراتا كوردستانێ. دڤێ هەموەلاتیێن كوردستانێ ژ بۆ پێشەرۆژا زارۆكێن خوە یا دەمۆكراتیك، ژیانەكە ئازاد و پێشكەتنا كوردستانێ، ب ئاوایەكی جانفیدایی، ب دلەكە شۆرشگەری پشتگریێ بدن پارتیا دەمۆكراتا كوردستانێ و دەنگێن خوە بدن لستا 110. دڤێ باش بێ زانین كو، پارتیا دەمۆكراتا كوردستانێ دەرفەتەكە ژ بۆ پێشەرۆژا گەلێ كورد. هلبژارتنا لستا 110 د جیهانێ دە، دبە چەكێ هەری مەزن د دەستێ گەلێ كورد دە. ژ بەر وێ یەكێیە، دەما دەنگدانێ دە دەستێ خوە دانێن ل سەر وژدانا خوە و ژ بیرا خوە بینن كو، كێ خزمەتا گەلێ كورد دكە و وێ یەكێ بەرچاو دەرباس بكن و دەنگێن خوە بدن لستا 110.