نێچیرڤان بارزانی پرسەنامەیەک ئاراستەی خانەوادە و هاوکارانی سەرنووسەری گۆڤاری گوڵان دەکات
هەولێر-KDP.info- نێچیرڤان بارزانی، سەرۆکی هەرێمی کوردستان، لە پرسەنامەیەکدا هاوسۆزی و هاوخەمیی خۆی بۆ کۆچی دوایی ڕۆژنامەنووسی دیار و سەرنووسەری گۆڤاری گوڵان، خوالێخۆشبوو (فەرهاد محەمەد) دەربڕی، و ئاماژەی بەوە دا کە کۆچکردوو دڵسۆزانە خزمەتێکی بەرچاوی بە بواری ڕۆژنامەگەری کردووە.
ئەمەش دەقی پرسەنامەکەی سەرۆکی هەرێمی کوردستانە:
پرسه‌نامه‌يه‌ك له سه‌رۆكى هه‌رێمى كوردستانه‌وه
بۆ كۆچى دواييى ڕۆژنامه‌نووسى ديار و سه‌رنووسه‌رى گۆڤارى گوڵان، خوالێخۆشبوو فه‌رهاد محه‌مه‌د، سه‌ره‌خۆشى له خێزان و كه‌سوكارى به‌ڕێزيان و ته‌واوى هاوكارانى ده‌كه‌م. هاوسۆز و هاوخه‌ميانم.
خوالێخۆشبوو دڵسۆزانه خزمه‌تێكى به‌رچاوى به بوارى ڕۆژنامەگه‌رى كرد. له خواى مه‌زن داواكارم گيانى به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت.
نێچيرڤان بارزانى
سه‌رۆكى هه‌رێمى كوردستان
2026/11/13
