ل ده‌مه‌كێ نێزیك پتری 8000 پارچه ئه‌ردێن نوی دێ ل پارێزگه‌ها دهۆكێ هێنه دابه‌شكرن
دھۆک-KDP. info- پارێزگارێ دهۆكێ د كۆنگره‌یه‌كێ رۆژنامه‌ڤانی دا دیار كر كو نها 500 پارچه ئه‌رد ل فه‌یدیێ د ئاماده‌نه بۆ دابه‌شكرنێ و ل نێزیك دێ هێنه پارڤه‌كرن، هه‌روه‌سا 784 پارچه ئه‌رد ل رۆڤیا د ئاماده‌نه بۆ به‌لاڤكرنێ، 3000 پارچه ئه‌رد ل كه‌له‌ك د ئاماده‌نه و د ماوێ 15 رۆژێن بهێت دا دێ هێنه دابه‌شكرن، 1700 پارچه ئه‌رد ژی ل بجیل و 1300 پارچه ئه‌رد ل مسیریكێ هێنه به‌لاڤكرن.
ئه‌ڤرۆ رۆژا پێنچشه‌مبی 29ی 10ی 2026ێ، ب ئاماده‌بوونا به‌رێز د.عه‌لی ته‌ته‌ر پارێزگارێ دهۆكێ و ئه‌ندازیار دیار به‌حری ره‌سول رێڤه‌به‌رێ گشتیێ باژێرڤانیان ل پارێزگه‌ها دهۆكێ و به‌رێز دژوار كوچه‌ر قائیمقامێ قه‌زا سێمێلێ و داواكارێ گشتی و هژماره‌كا رێڤه‌به‌رێن دام و ده‌زگه‌هێن میری، 1451 پارچه ئه‌رد ل زاوا ل سنوورێ باژێرڤانیا فه‌یدیێ هێنه دابه‌شكرن و 195 پارچه ئه‌رد ل كۆرا هێنه دابه‌شكرن و كار ل سه‌ر دابه‌شكرنا 8000 پارچه ئه‌ردان ل ده‌مه‌كێ نێزیك ل سنوورێ هنده‌ك باژێرڤانیان دهێته كرن.
پارێزگارێ دهۆكێ د كۆنگره‌یه‌كێ رۆژنامه‌ڤانی دا دیار كر كو نها 500 پارچه ئه‌رد ل فه‌یدیێ د ئاماده‌نه بۆ دابه‌شكرنێ و ل نێزیك دێ هێنه پارڤه‌كرن، هه‌روه‌سا 784 پارچه ئه‌رد ل رۆڤیا د ئاماده‌نه بۆ به‌لاڤكرنێ، 3000 پارچه ئه‌رد ل كه‌له‌ك د ئاماده‌نه و د ماوێ 15 رۆژێن بهێت دا دێ هێنه دابه‌شكرن، 1700 پارچه ئه‌رد ژی ل بجیل و 1300 پارچه ئه‌رد ل مسیریكێ هێنه به‌لاڤكرن.
د.عه‌لی ته‌ته‌ر ئه‌و یه‌ك ژی دیار كر كو بریاره ل ده‌مه‌كێ نێزیك ژی پتری 1000 پارچه ئه‌ردان ل سێمێلێ بهێنه دابه‌شكرن و نها د قوناغا راگه‌هاندنێ دانه و ب ڤی ره‌نگی هژماره‌كا زۆر یا پارچه ئه‌ردان هه‌نه د ماوێ هه‌یڤا 11 دا بهێنه پارڤه‌كرن.