سەرۆکی حکوومەت لەگەڵ سەرۆک وەزیرانی هۆڵەندا کۆبووەوە
داڤۆس-KDP.info- ئەمڕۆ چوارشەممە 1/21، مەسروور بارزانی سەرۆکی حکوومەتی هەرێمی کوردستان لە داڤۆس له سویسڕا له چوارچێوه‌ی دیداره‌كانی كۆڕبه‌ندی ئابووری داڤۆس، لەگەڵ دیک شوف سەرۆک وەزیرانی هۆڵەندا کۆبووەوە.
هەردوولا جەختیان لە پەرەپێدانی پەیوەندیی دوولایەنە لە بوارە جۆراوجۆرەکاندا کردەوە.
سەرۆکی حکوومەت تیشکی خستە سەر چاکسازییەکانی حکوومەتی هەرێمی کوردستان بە ئاراستەی بنیاتنانی ژێرخانێکی بەهێزی ئابووری.
لەمبارەیەوە سوپاسی پشتیوانی و هاریکاریی هۆڵەندای کرد، بە تایبەتی لە بواری کشتوکاڵی.
لە تەوەرێکی دیکەدا، گفتوگۆ لەبارەی پەرەسەندنە سەربازییەکانی سووریا کرا و هەردوولا نیگەرانی خۆیان بەرانبەر شەڕ و ئاڵۆزییەکان دەربڕی و جەختیان لە کۆتاییهێنان بە پێکدادان و پاراستنی ئاشتی و سەقامگیری و ڕێزگرتن لە مافەکانی گەلی کورد و گشت پێکهاتەکانی سووریا کردەوە.
