ل دھوکێ نھا خواستا خەلکی پتر ل سەر کرینا شوقەیانە

دھۆک_KDP.info_ رێڤەبەرێ وەبەرھینانێ ل پارێزگەھا دھوکێ گوتی ، نھا ل پارێزگەھا دھوکێ پتر خواست ل سەر کرینا شوقەیان ھەیە ل دەف وڵاتیان ،ئەڤژی بۆ چەند خالەکان دزڤرین ، ژوانا خێزانێن نھا بچویکن وکارەباژی ٢٤دەمژمێران ھەیە وخزمەت گوزاریژی پترن .

ل ١٠ ساڵێن دویماھیێ پرۆژەیێن ئاگنجیبوونێ یێن ب شێوازێ ئاڤاھیێن بلند (تاوەر) زێدە دبن، و شێوازێ ئاڤاکرنێ ژیێن خانوو و ڤیلەیان بووینە تاوەر و شوقە، و ئەڤ چەندە ژی بۆ ھندەک ئەگەران ڤەدگەریت کو مالپەرێ فەرمی یێ پارتی دیموکراتی کوردستان دگەل ھەڤال سەدیق ی رێڤەبەرێ وەبەرھێنانێ ل پارێزگەھا دھۆکێ دلێدوانەک تایبەت دا بەحس کرن   وگوت ، ل ساڵێن دویماھیێ داخوازا خەلکێ مە پتر ل سەر کرینا شوقەیانە، ئەو ژی ژبەر خزمەت گوزاریێن تەرخانکری، و بھایێ مەزاختییان کێمترە و ئەڤ چەندە بۆ خۆدانێن پرۆژەیان و خەلکێ ژی باشترە.

 ھەلبژارتنا خەلکێ بۆ شوقەیان چەندین ئەگەرێن خۆ ھەنە ئەو ژی دچەند خالان دا دیاردبن:

١- جاران ژبەر نەبوونا ئەردێ گونجای یێ ئاڤاکرنێ.

٢- کونترولکرنا ئێمناھیێ ب تیمێن پاراستنێ یێن تایبەت (سکیورتی).

٣- تەرخانکرنا خزمەت گوزارییا پاقژکرنێ.

٤- ھەبوونا کارەبا بەردەوام.

٥- خێزانێن نوکە بچویکن.

٦- ھەبوونا ئاڤا بەردەوام.

٧- بلندترین ژمارا خێزانان ل سەر کێمترین رووبەرێ ئەردی دژین.

٨- پترییا شوقەیان ب شێوازێ قستێ ھەیڤانە دھێنە فروتن.

ل دویف وان ئامارێن رێڤەبەرییا وەبەرھێنانێ یا گشتی ل پارێزگەھا دھۆکێ تایبەت بۆ مالپەرێ فەرمی یێ پارتی دیموکراتی کوردستان دیارکرین، ل ساڵا ٢٠٢٤ێ ژمارا یەکێن ئاگنجیبوونی ل پارێزگەھا دھۆکێ بووینە ٤٤٨٧٦ یەکە، و (٤٢) پرۆژەیان مولەتا وەبەرھێنانێ وەرگرتییە و (٢) ژوان پرۆژەیان ھاتینە ھەلوەشاندن.

ھەر دیسان وەک ئاڤاھیێ ئاگنجیبوونی تاوەر وەک ئێک پرۆژە ژی ھەیە ئەو ژی (the avenue)  و شەش ئاڤاھیێن بلند ژی ھەنە وەک تاوەر بۆ (ئوفیسێن بازرگانی).

روبەرێ باژێرێ دھوک پێکدھێت ژ٧٦ کلومێترێن دووجار، دیسان روبەرێ قەزا دھوک پێکدھێت ژ٩٥٥ کلومێترێن دووجار، و روبەرێ پارێزگەھا دھوک ب گشتی پێکدھێت ژ١٠٩٠٧ کلومێترێن دووجار، کو نوکە ل پارێزگەھا دھۆکێ نێزیک ١٨٪ ژرووبەرێ ئەردێ دھۆکێ بۆ تاوەران ھاتییە تەرخانکرن.

سەجا شێرزاد